Sveitarstjórn Reykhólahrepps auglýsir tillögu að deiliskipulagi skv. 25. gr. skipulags- og byggingarlaga nr. 73/1997. Hér er um að ræða deiliskipulag við Innstapoll í Flatey á Breiðafirði og tekur til svæðis á aðalskipulagi sem er áætlað opið svæði og hafnarsvæði merkt H3. Gert er ráð fyrir skjólhöfn fyrir smábáta við Innstapoll í Flatey með tveimur 40 m grjótgörðum þannig að stærðin á bátalæginu verði um 25x30 með ca.12x40 m innsiglingarennu.
 
Vegslóði verður að höfninni sem má vera allt að 3 m breiður eða að hámarki 4 m með vegöxlum. Svæðið er skilgreint sem hafnarsvæði í tillögu að breytingu á aðalskipulagi og tekur deiliskipulagstillagan ekki gildi fyrr en staðfest aðalskipulag liggur fyrir.

 

Skipulagsuppdráttur ásamt greinargerð er til sýnis á skrifstofu Reykhólahrepps, Maríutröð 5a á Reykhólum, frá 15. apríl til 14. maí. Auglýsinguna má einnig skoða hér í heild á pdf-formi.

 

Berist ekki athugasemdir innan tilskilins frests telst tillagan samþykkt. Athugasemdum skal skila til skrifstofu Reykhólahrepps fyrir 28. maí 2010 og skulu þær vera skriflegar.