Reykhólahreppur beinir þeim eindregnu tilmælum til fólks að gæta fyllstu aðgæslu varðandi hunda þegar ungar eru að komast á legg og vera alls ekki á ferð með lausa hunda. Jafnframt er fólk beðið að gæta þess að ómerktir og bjöllulausir kettir séu ekki á fuglaveiðum.

Svæðið kringum Reykhólaþorp er eitt allsherjar varpland, eins og reyndar Reykhólahreppur allur. Hvort sem litið er til lands eða eyja er héraðið fjölbreyttasta búsvæði fugla hérlendis og fuglalífið ein af helstu dásemdum þess.