Vegleg björg mynda hlið þar sem ekið er austur á tjaldsvæðið á Miðjanesi.

Í fyrrasumar var gengið frá nýju tjaldsvæði á jörðinni Miðjanesi í Reykhólasveit, nokkur hundruð metra austan við bæinn. Svæðið var jafnað og þökulagt og núna er það fullgróið og klárt. Komið hefur verið upp þjónustuhúsi þar sem er bæði heitt og kalt vatn, sturta og salerni. Rafmagn hefur verið lagt á svæðið með tengingum á nokkrum stöðum.

Þetta er viðbót við bændagistinguna sem Halldóra Játvarðardóttir (Lóa á Miðjanesi) hefur rekið í hálfan annan áratug. Í þeim tilgangi notar hún sextíu fermetra íbúð á neðri hæð hússins síns.

Sjá nánar hér (pdf)