Frá vinstri: Bjarni, Borghildur Birna, Birgitta Rut, Hildigunnur Sigrún, Sigurvin Helgi og Ísak Logi.

Þessir hressu krakkar á Reykhólum héldu fyrir skömmu tombólu til styrktar starfi Björgunarsveitarinnar Heimamanna í Reykhólahreppi. Afraksturinn varð kr. 2.600 og munar um það, en ekki er síður þakkarverður sá áhugi sem þetta unga fólk sýnir björgunarsveitinni og óeigingjörnum störfum fólksins sem hana skipa.