« 1 af 5 »

Vorferð sunnudagaskólans hjá sr. Elínu Hrund á Reykhólum var að þessu sinni farin út að Stað á Reykjanesi. Komið var í kirkjuna gömlu og merku, fjárhús guðs hjarðar á Stað, sem smíðuð var 1864 þannig að senn líður að 150 ára afmælinu. Síðan var farið í hið veraldlega fjárhús líðandi stundar að heimsækja ærnar á sauðburði og litlu lömbin þeirra. Þar buðu Fríða, Rebekka og Harpa gestunum safa og kex en Sandra mamma Ísaks og Birgittu lagði til kleinur.

Á myndunum má sjá (auk búfjár) þau Söndru, Védísi, Solveigu, Anítu, Fríðu, Hörpu, Birgittu, Hildigunni og Ísak.

Myndirnar sem hér fylgja og miklu fleiri sem teknar voru í vorferð sunnudagaskólans á Reykhólum að Stað á Reykjanesi er að finna undir Ljósmyndir > Myndasyrpur í valmyndinni vinstra megin á síðunni.