Lokahóf Ungmennasambands Dalamanna og Norður-Breiðfirðinga (UDN) verður í Reykhólaskóla í kvöld, fimmtudag, og hefst kl. 19. Veittar verða viðurkenningar fyrir góða mætingu á æfingar og mót, fyrir árangur í sumar og fyrir mestar framfarir milli ára. Allir fá plagg með árangrinum í hinum ýmsu greinum og samanburði við síðasta ár.

Grillið verður heitt og hver og einn sér um mat fyrir sig og sína. Leikir og fjör, spjall, kaffi, te og kósýheit, segir í tilkynningu frá Herdísi Ernu, Hönnu Siggu og Arnari í frjálsíþróttaráði UDN.