Frá umhverfisdeginum 2014.

Á það skal minnt sem hér hefur komið fram, að umhverfisdagurinn árvissi í Reykhólahreppi er á morgun, laugardag. Að venju er hvatt til hreinsunar bæði í þorpinu og sveitunum. Hvað Reykhólaþorp og nánasta umhverfi þess varðar, þá hefur verið ákveðið að hittast í skólanum kl. 11 og skipta með sér verkum.

Þátttakendur í þessu skemmtilega vorverkefni og uppeldisverkefni hafa jafnan verið á ýmsum aldri, sem vettlingi getur á annað borð valdið. Sjá t.d. í bláhorninu efst til vinstri á meðfylgjandi mynd, sem tekin var á umhverfisdeginum fyrir tveimur árum.