7. janúar 2009 |
Umsóknarfresti vegna stuðningsverkefna að ljúka
Viktoría Rán Ólafsdóttir.
Viktoría Rán Ólafsdóttir, verkefnastjóri hjá Atvinnuþróunarfélagi Vestfjarða, minnir á að umsóknarfrestur vegna tveggja stuðningsverkefna á Vestfjörðum rennur út á mánudaginn, 12. janúar. Annars vegar er það verkefnið Krásir, sem er fræðslu- og þróunarverkefni í svæðisbundinni matargerð, þar sem í boði er fræðsla auk faglegs og fjárhagslegs stuðnings við þróun og sölu matvæla. Hins vegar stuðningsverkefnið Vöruþróun á Vestfjörðum, ætlað starfandi fyrirtækjum á Vestfjörðum sem vilja vinna að nýsköpun, vexti eða umbótum í starfsemi sinni.
Allar nánari upplýsingar er að finna undir tenglunum hér fyrir neðan. Umsóknareyðublöð er að finna þar alveg neðst á síðunum.
> Krásir