Um síðustu mánaðamót undirrituðu fulltrúar fjarskiptasjóðs og sveitarfélaga, samninga um styrki til ljósleiðaravæðingar í dreifbýli. 24 sveitarfélög fá styrki að þessu sinni, samtals 450 milljónir króna. Hlutur Reykhólahrepps er 19 milljónir.

Á móti styrkjum frá fjarskiptasjóði leggja sveitarfélög og þeir sem tengjast ljósleiðaranum, fram að lágmarki kr.350.000- vegna hverrar tengingar.

Á myndinni eru að undirrita samninginn við Reykhólahrepp; Haraldur Benediktsson formaður fjarskiptasjóðs,

Jón Gunnarsson samgöngu- og sveitarstjórnarráðherra og Ingibjörg Birna Erlingsdóttir sveitarstjóri Reykhólahrepps.