2. janúar 2019 | Sveinn Ragnarsson
Ungmennaráð Reykhólahrepps
Viktor Benóný Benediktsson, Tindur Ólafur Guðmundsson, Solveig Rúna Eiríksdóttir, Adrian Kowalczyk og Aníta Hanna Kristjánsdóttir mynd JÖE
Á nýafstöðnu ungmennaþingi, sem unga fólkið okkar fjölmennti á og allir tóku virkan þátt, var kosið 1. Ungmennaráð Reykhólahrepps.
Það skipa: Adrian Kowalczyk, Aníta Hanna Kristjánsdóttir, Solveig Rúna Eiríksdóttir, Tindur Ólafur Guðmundsson og Viktor Benóný Benediktsson.
Til vara: Jón Halldór Lovísuson, Ketill Ingi Guðmundsson, Samúel Ingi Björnsson, Sigurjón Árni Torfason og Védís Fríða Kristjánsdóttir.
Í erindisbréfi sem er komið hér á vefinn er kveðið á um hlutverk ungmennaráðs.
„Hlutverk Ungmennaráðs Reykhólahrepps er:
- að vera sveitarstjórn til ráðgjafar varðandi aðstöðusköpun og afþreyingarmöguleika ungs fólks í sveitarfélaginu
- að koma tillögum og skoðunum ungs fólks til skila til viðeigandi aðila í stjórnkerfi sveitarfélagsins
- að fylgjast með því að stofnanir sveitarfélagsins vinni með hagsmuni ungs fólks að leiðarljósi
- að veita ungu fólki fræðslu og þjálfun í lýðræðislegum vinnubrögðum
- að hvetja ungt fólk í sveitarfélaginu til lýðræðislegrar þáttöku
- að skipuleggja ungmennaþing
- að efla tengsl ungmenna í sveitarfélaginu og auka tengsl þeirra við stjórnkerfi sveitarfélagsins
- að gera ákvarðanatöku í málefnum ungmenna sýnilegri og gegnsærri og auka tengsl fulltrúa ungmenna og sveitarstjórnar.“
Undirbúningur og umsjón ungmennaþingsins var í höndum Jóhönnu Aspar Einarsdóttur.
Þema þingsins var tómstundastarf.