Lokahóf Ungmennasambands Dalamanna og Norður-Breiðfirðinga (UDN) í frjálsum íþróttum og fótbolta verður haldið í og við íþróttahúsið á Reykhólum á fimmtudag, 11. september, og hefst fagnaðurinn kl. 19. Þetta er uppgjör sumarsins og meðal annars fer fram afhending

• viðurkenninga fyrir góða mætingu á æfingar og mót
• þátttökuverðlauna fyrir mætingu á kvöldmót
• viðurkenninga fyrir besta afrek karla og besta afrek kvenna í sumar
• viðurkenningar fyrir mestar framfarir milli ára

Allir fá plagg með árangri ársins í hinum ýmsu greinum samanborið við síðasta ár.

Grillið verður heitt. Hver og einn sér um mat fyrir sig og sína. Leikir og fjör. Spjall, kaffi og te og kósíheit.

Sjáumst!

- Arnar, Herdís Erna, Hanna Sigga og Guðni Albert.