Rebekka gjaldkeri, Júlía Guðjónsdóttir skólastjóri sem veitti tækjunum viðtöku á hátíðinni og Eyvindur ritari.

Á fullveldishátíð Reykhólaskóla fyrir helgina afhenti foreldrafélag skólans, með stuðningi fyrirtækja og félagasamtaka, skólanum til afnota og varðveislu Sony-upptökuvél ásamt aukabúnaði, samtals að verðmæti kr. 147.000. Fyrirspurn hvort möguleiki væri á þessu barst félaginu í haust og brást stjórn þess við og sendi fyrirtækjum og félagasamtökum á svæðinu beiðni um stuðning. Nokkur árangur varð af því en ennþá er hægt að styðja þetta mál með því að leggja inn á reikning félagsins, 0153-15-310153, kt. 590673-0489.

Foreldrafélag Reykhólaskóla þakkar þeim innilega sem hafa styrkt þetta framtak. Tækin nýtast bæði grunnskólanum og leikskólanum í starfi og leik. Áhugasamtök á svæðinu hafa einnig aðgang að þeim.

Stjórn Foreldrafélags Reykhólaskóla skipa Ebba Gunnarsdóttir á Bakka, formaður, Rebekka Eiríksdóttir á Stað, gjaldkeri, og Eyvindur Magnússon á Reykhólum, ritari.