28. júlí 2018 | Sveinn Ragnarsson
Úrslit í dráttarvélakeppninni og læðutoginu
Rebekka Eiríksdóttir
Að venju var keppt í kvenna- og karlaflokki í dráttarvélakeppninni, þar eru konur verulega að sækja á eins og víðar. Í kvennaflokki var hlutskörpust, eins og 8 síðustu skipti, Rebekka Eríksdóttir, í öðru sæti var aldursforseti keppninnar, Indíana Ólafsdóttir og í þriðja sæti var Birna Norðdahl, en hún er dóttir Indíönu.
Í karlaflokki sigraði Bergur Þrastarson, Leifur Samúelsson var í öðru sæti, þeir eru báðir bændur og kunna þetta. Í þriðja sæti var Bragi Jónsson.
Í „læðutoginu“ vann Ágúst Már Gröndal, Kristján Rafn Jóhönnuson næstur og Stefán Brimar í 3. sæti.
Jóna Magga, sunnudagur 29 jl kl: 11:02
Og er Rebekka bara kona, ekki bóndi? Og Inda hefur ekkert komið nærri búskap? ;)