Hægt verður að kjósa utan kjörfundar vegna sveitarstjórnarkosninga á skrifstofu Reykhólahrepps mánudaginn 19. maí milli kl. 12 og 14. Nánari upplýsingar veitir sýslumaður í síma 450 2200. Kjósandi sem vill greiða atkvæði utan kjörfundar skal gera kjörstjóra grein fyrir sér með því að framvísa persónuskilríkjum. Þetta kemur fram í auglýsingu frá sýslumanni. Þar segir einnig:

Þá er vakin athygli á því, að einnig er hægt að kjósa utan kjörfundar hjá öðrum sýslumönnum.

Frá og með 19. maí nk. er hægt að kjósa í Laugardalshöll í Reykjavík, en þar verður opið alla daga kl. 10-22. Á kjördag, laugardaginn 31. maí nk., verður opið frá kl. 10 til kl. 17 fyrir kjósendur utan höfuðborgarsvæðisins.

Kjósanda, sem ekki getur sótt kjörfund á kjördegi vegna sjúkdóms, fötlunar eða barnsburðar, er heimilt að greiða atkvæði í heimahúsi nema hann eigi kost á að greiða atkvæði á stofnun. Ósk um að greiða atkvæði í heimahúsi skal vera skrifleg og studd vottorði lögráða manns um hagi kjósandans og hafa borist kjörstjóra eigi síðar en kl. 16 fjórum dögum fyrir kjördag eða eigi síðar en kl. 16 þriðjudaginn 17. maí nk.