Útsvar: Afar mjótt var á munum
Lið Fjallabyggðar sigraði lið Reykhólahrepps í Útsvari í kvöld með tveggja stiga mun, 78-76. Úrslitin réðust á síðustu spurningunni þar sem Fjallabyggð skaust upp fyrir Reykhólahrepp. Lið Reykhólahrepps er stigahæsta tapliðið í keppninni fram að þessu og kemst örugglega áfram í aðra umferð. Mjótt var á munum alla tíð og skiptust liðin á að hafa forystu. Lið Reykhólahrepps skipuðu Ólína Kristín Jónsdóttir frá Mýrartungu, Kristján Gauti Karlsson á Kambi og Guðjón Dalkvist Gunnarsson á Reykhólum. Leiklistin var í höndum Ólínu. Símavinur liðsins var Jóhanna Fríða Dalkvist, dóttir Guðjóns, og kom hún með rétt svar við þeirri spurningu sem var beint til hennar.
Lið Fjallabyggðar skipuðu Ólafur Unnar Sigurðsson, Halldór Þormar Halldórsson og Guðrún Unnsteinsdóttir. Símavinur liðsins, Jónas Ragnarsson, svaraði líka rétt þeirri spurningu sem til hans var beint.
Hér er hægt að horfa á upptöku af þættinum
Sjá einnig:
Ég ætla að reyna að skemmta mér
Jónas Ragnarsson, fstudagur 13 nvember kl: 23:02
Bæði liðin stóðu sig mjög vel og geta náð langt í keppninni.