Lið Reykhólahrepps: Ólína Kristín, Kristján Gauti og Guðjón Dalkvist.

Fyrstu umferðinni í Útsvari er nýlokið. Dregið hefur verið hvaða lið lenda saman í annarri umferð og mætast þar lið Reykhólahrepps og Reykjavíkurborgar, fámennasta sveitarfélagsins í keppninni og þess fjölmennasta (270 íbúar á móti 122.000). Hvað víðerni varðar er Reykhólahreppur hins vegar miklu stærri (1.090 ferkílómetrar á móti 273 - lmi.is). Hvorugt skiptir þó máli þegar á hólminn er komið.

Keppni þessara liða fer fram á bóndadaginn, fyrsta dag þorra, 22. janúar. Lið Reykhólahrepps skipa (í stafrófsröð) Guðjón Dalkvist Gunnarsson á Reykhólum, Kristján Gauti Karlsson á Kambi og Ólína Kristín Jónsdóttir frá Mýrartungu.

Sjá hér varðandi keppni Fjallabyggðar og Reykhólahrepps í fyrstu umferðinni:

Afar mjótt var á munum