Erla Björk Jónsdóttir.

Á síðasta fundi sveitarstjórnar Reykhólahrepps var samþykktur samningur um ráðgjafaþjónustu vegna vinnu Alta við gerð svæðisskipulags Dalabyggðar, Reykhólahrepps og Strandabyggðar. Er búið að samþykkja sameiningu? Á endalaust að leyfa þessu fyrirtæki að mjólka umrædd sveitarfélög?

Þannig spyr Erla Björk Jónsdóttir viðskiptafræðingur í Ásaheimum í Króksfjarðarnesi í pósti sem hún sendi vefnum til birtingar og til umræðu. Síðan segir:

Ég vil vita hvað sveitarfélögin hafa greitt til Alta síðustu ár og hvað þessi samningur mun koma til með að kosta. Væri ekki nær að kjósa fyrst? Búa svo til svæðisskipulag og annað sem fylgir sameiningu, fyrir þau sveitarfélög sem myndu samþykkja sameiningu.