Vegagerðin heldur uppi aukinni þjónustu á landleiðinni milli suðursvæðis Vestfjarða og Suðvesturlands meðan Breiðafjarðarferjan Baldur er fjarri. Á vef Vegagerðarinnar segir: „Breiðafjarðarferjan Baldur siglir nú til Vestmannaeyja meðan Herjólfur er í viðgerð. Á meðan er einungis boðið upp á farþegaflutninga yfir Breiðafjörð og því er nauðsynlegt að auka þjónustu á vegum til og frá sunnanverðum Vestfjörðum þar til Baldur kemur til baka.“

Hin aukna þjónusta felst í eftirtöldu, skv. vef Vegagerðarinnar: 

• Þjónustutími verður lengdur fram á kvöld til samræmis við þjónustutíma frá Hringvegi að Búðardal, þ.e. til 19:30 virka daga en 19:00 um helgar, þ.m.t. á laugardag. Þjónustutími verður óbreyttur að morgni.
• Veghefill verður til taks í Gufudalssveit til að viðbragstími styttist ef þörf verður á slíkri þjónustu.
• Eftirlit verður aukið og þannig verður tíðari upplýsingagjöf. Þá styttist einnig viðbragðstími þjónustuaðila.
• Eftir því sem tilefni gefast til verður hálkuvarið umfram gildandi verklagsreglur.
• Náið samstarf verður haft við flutningafyrirtækin á svæðinu.

Sjá einnig fréttina hér á undan:

► „Sættum okkur ekki við þessar trakteringar“