Leið A3. mynd Vegagerðin

Á vef Vegagerðarinnar er komin skýrsla um könnun á svokallaðri R-leið, samanborið við Þ-H (Teigsskóg). R-leiðin hefur að sjálfsögðu fengið nýja einkennisstafi og kallast A3. Það er óbreytt afstaða Vegagerðarinnar að Þ-H sé besti kosturinn og hafi margt fram yfir A3 leiðina. Helstu rökin fyrir því eru:

• Umferðaröryggi er að öllum líkindum minna á leið A3.
• Leið A3 er töluvert lengri en leið Þ-H eða 4,7 km.
• Kostnaður við leið A3 er verulega meiri en við leið Þ-H sem nemur tæpum 4 milljörðum kr.
• Ljóst er að umhverfisáhrif eru töluverð á leið A3. Kanna þarf matsskyldu og líklegt að gerð verði krafa um umhverfismat.
• Efnisþörf fyrir leið A3 er meiri og opna þarf fleiri námur.
• Verði farin leið A3 mun það líklega tefja framkvæmdir um tvö til þrjú ár.

Hér er svo hægt að sjá skýrsluna og fylgigögn:

• Skýrslan
• Teikningar A3
• Teikningar A2
• Teikningar verndarsvæði
• Þrívíddarteikningar