Félagsvistin er að fara af stað enn á ný hjá Barðstrendingafélaginu syðra. Spilað verður fjórum sinnum í þessari lotu á þriggja vikna fresti (þriðja hvern mánudag), í fyrsta skipti annað kvöld (4. febr.). Spilað er í Konnakoti, bækistöð félagsins að Hverfisgötu 105 í Reykjavík, 2. hæð, og byrjað kl. 20. Að vanda verða veitt verðlaun fyrir slagahæstu konu og karl hvert kvöld og einnig þá sem fæsta slagi fengu. Vegleg verðlaun fyrir kvöldin samanlögð.

Kaffi og kex að spilum loknum meðan spjöldin eru yfirfarin. Endilega takið með ykkur gesti, allir velkomnir! segir Ólína Kristín Jónsdóttir frá Mýrartungu. Aðgangseyrir er 500 krónur.