Hótel Bjarkalundur við Berufjörð.

Sumarið lítur mjög vel út í Hótel Bjarkalundi í Reykhólasveit, að sögn Kolbrúnar Pálsdóttur hótelstýru. Þó að undanfarin ár hafi verið góð séu bókanir meiri en á sama tíma í fyrra. Eins og endranær hefur verið unnið að endurbótum á staðnum milli ára, bæði innan húss og utan. Að þessu sinni er helst að nefna, að handlaugar eru komnar í öll herbergi á efri hæð (elsta hlutanum frá 1947) og líka baðaðstaða á efri hæðinni.

Fyrir tveimur árum var álman með gistiherbergjunum lengd til austurs, í annað skiptið frá því að Bjarkalundur var byggður, og bættust þá við fjögur herbergi með baði. Þar með eru gistiherbergin í hótelinu sjálfu orðin 26. Áður var búið að byggja sex gestahús rétt fyrir ofan hótelið, sem leigð eru út sem hótelberbergi. Í fyrra var planið við hótelið lagt olíumöl og komið upp nýjum eldsneytisdælum.

Aðstaðan fyrir húsbíla hefur jafnframt verið endurbætt verulega á síðustu árum.

Á síðasta ári var haldið upp á 65 ára afmæli þessa elsta sveitahótels á Íslandi sem enn er í rekstri og alltaf síungt.