Prjónakaffi á vegum Breiðfirðingafélagsins var haldið í fyrsta skipti í Breiðfirðingabúð í Reykjavík á mánudag og var vel sótt. Þar komu 38 manns, bæði konur og karlar, ungir sem aldnir. Á boðstólum var kaffi, gos og kleinur og mikið spjallað, prjónað og saumað. Ákveðið var að koma aftur saman núna á mánudaginn, 25. janúar kl. 20, og síðan verði prjónakaffið annan hvern mánudag fram eftir vetri. Eins og gefur að skilja voru teknar myndir við þetta tækifæri. Nánari upplýsingar um prjónakaffið gefa Erla í síma 898 6747 og Maddý í síma 695 2425.

 

Þetta kemur fram á vef Breiðfirðingafélagsins.