Vélarnar væntanlegar til landsins í næstu viku
Jón Árni Sigurðsson á Reykhólum var í veðurblíðunni í dag að klæða nýja verksmiðjuhúsið sitt að Suðurbraut 3 neðan við Reykhólaþorp. Það verk ætti að klárast núna í vikunni en talsvert er eftir að gera inni. Fremstu vonir standa til þess að þarna verði hægt að hefja framleiðslu fæðubótarefna úr þörungum fljótlega eftir áramót. Vélarnar í verksmiðjuna eru væntanlegar til landsins í næstu viku, ættaðar frá Kína. Stöðugt er unnið að markaðsstarfi út um heim.
Myndirnar sem hér fylgja eru í öfugri röð. Sú fremsta var tekin í dag þar sem Jón Árni vann við klæðninguna að utan. Sú elsta (og síðasta hér í röðinni) var tekin í sumar þar sem Jón Árni stendur á ruddri og allsberri lóðinni. Næstu þrjár voru teknar þar sem Jón Árni stendur við steypumótin og síðan þegar steypuvinnan stóð yfir.
► 27.06.2012 Verksmiðja við Langavatn rísi í fullri sátt
► 19.02.2011 Dýranammið og þaratöflurnar frá Reykhólum