Guðmundur Einarsson kennari á Ísafirði heldur vélgæslunámskeið í Tjarnarlundi í Saurbæ vikuna 15.-23. júní (frí 17. júní) ef sjö eða fleiri þátttakendur fást. Námskeiðið veitir rétt til að vera vélavörður á skipum sem eru 12 metrar og styttri að skráningarlengd og með vélarafl 750 kW eða minna. Að loknu 7 eininga viðbótarnámi, sem skilgreint er í námskrá, öðlast viðkomandi rétt til að vera vélavörður á skipum með 750 kW vél og minni og yfirvélstjóri á skipum með 750 kW vél og minni, sem eru 24 metrar og styttri að skráningarlengd, að loknum fjögurra mánaða siglingatíma sem vélavörður.

Námskeiðið gefur ekki einingar í framhaldsskóla.

Kennt verður frá kl. 9 á morgnana. Námskeiðið er alls 85 stundir.

Verð er kr. 85.000. Hægt er að skipta greiðslum ef samið er um það í upphafi námskeiðs.

Athugið, að stéttarfélög veita styrki til námskeiða.

Skráning fer fram í Fræðslumiðstöð Vestfjarða eða hjá Guðmundi Einarssyni í síma 896 3697. Síðasti skráningardagur er föstudagurinn 8. júní.

(Frá Fræðslumiðstöð Vestfjarða).