Einar K. Guðfinnsson.

„Í raun og sanni má nú segja, að með óbeinum hætti hafi verið settur eins konar verðmiði á þann umdeilda Teigsskóg í Þorskafirði. Um vegagerð á þessum slóðum hafa staðið miklar deilur og þær eru ekki til lykta leiddar. Í svari við fyrirspurn Kristjáns L. Möller á Alþingi í gær, mánudag, birti Ögmundur Jónasson innanríkisráðherra upplýsingar sem varpa ljósi á þann viðbótarkostnað sem hlýst af því að fara ekki þá láglendisleið sem um var rætt og kölluð hefur verið B-leiðin. Sú leið er gjarnan kennd við Teigsskóg í almennri umræðu.“

Þannig hefst grein sem Einar Kristinn Guðfinnsson alþingismaður sendi vefnum til birtingar undir fyrirsögninni hér að ofan. Hann segir enn fremur:

„Viðbótarkostnaðurinn af því að koma í veg fyrir B-leiðina liggur á bilinu 1 til 5 milljarðar króna. Það er sá fórnarkostnaður sem ríkissjóði (skattgreiðendum) er ætlað að taka á sig með því að hafna B-leiðinni. Þessar tölur eru athyglisverðar og ástæða til þess að rekja þær hér til upplýsingar fyrir umræðuna sem mun verða á næstu mánuðum og misserum.“

Grein Einars Kristins má lesa í heild undir Sjónarmið / Aðsent efni í valmyndinni vinstra megin.