Eins og nú standa sakir stefnir allt í allsherjarverkfall. Ef þannig fer, þá er ljóst að lokað verður í allflestum verslunum. Aftur á móti verður Hólabúð á Reykhólum opin, þrátt fyrir verkföll, enda eru þar aðeins eigendur við störf. 

„Við viljum benda fólki á það, að við munum ekki fá vörur meðan á verkfalli stendur. Þess vegna munum við birgja okkur upp alveg eins og við getum, en höfum takmarkað pláss. Við viljum þess vegna bjóða fólki að panta hjá okkur nauðsynjavörur, svo sem mjólk og brauð, jú eða tóbak, því að enginn veit hvað þetta mun standa lengi. Við þurfum að fá pantanir frá fólki í síðasta lagi 1. júní,“ segir Reynir Þór Róbertsson kaupmaður.

Vinsamlegast deilið þessu á Facebook!