Frá afhendingunni. Mynd: Kraftvélar.

Verktakafyrirtækið Verklok ehf. á Reykhólum (Brynjólfur V. Smárason frá Borg í Reykhólasveit) hefur fengið afhenta nýja Komatsu PC210LC-10 beltagröfu frá Kraftvélum. Hún er mjög vel útbúin, með DPF-mengunarbúnaði, Miller-vökvahraðtengi, öflugum vinnuljósum að framan og aftan, og áfram mætti lengi telja.

Þetta kemur fram á vef Kraftvéla, þar sem kaupandanum er jafnframt óskað til hamingju með glæsilega vél og honum þökkuð viðskiptin. Þar segir líka: Vélin er einstaklega sparsöm í eldsneytiseyðslu miðað við marga samkeppnisaðila sína og er sá hluti rekstursins auðvitað einn sá mikilvægasti í rekstri vinnuvéla í dag.

Myndin var tekin við afhendingu gröfunnar. Frá vinstri: Ævar Þorsteinsson, forstjóri Kraftvéla, Brynjólfur Smárason og Hinrik Sigurjónsson, tæknistjóri Kraftvéla.

► Kraftvélar ehf.