8. janúar 2015 |
Verslunarmálin tekin fyrir á fundi sveitarstjórnar
„Rekstur verslunar á Reykhólum“ er fyrsti liður á dagskránni á fundi sveitarstjórnar Reykhólahrepps sem hefst kl. 15.30 í dag. Það hefur a.m.k. ekki farið framhjá heimafólki, að núna er engin verslun í héraðinu lengur. Næstu búðir eru á Hólmavík (58 km frá Reykhólum) og í Búðardal (75 km frá Reykhólum).
Á það skal minnt, að meginreglan er sú að fundir sveitarstjórna eru opnir öllum til að hlýða á umræður og afgreiðslu mála. Sveitarstjórn getur þó ákveðið að einstök mál skuli rædd fyrir luktum dyrum þegar það telst nauðsynlegt vegna eðlis máls, en slíkt er mjög sjaldgæft.