Tvö námskeið undir heitinu Færni í ferðaþjónustu verða haldin á Ísafirði í maí á vegum Fræðslumiðstöðvar Vestfjarða í samstarfi við Ferðamálasamtök Vestfjarða. Ferðamálasamtökin hvetja vestfirska ferðaþjóna til að senda starfsfólk sitt á námskeiðin. Þetta er í annað sinn sem fyrra námskeiðið er haldið en góð þátttaka var á síðasta ári.

 

 

Færni í ferðaþjónustu I - hefst 2. maí

 

Færni í ferðaþjónustu I er 60 kennslustundir samkvæmt námskrá frá Fræðslumiðstöð atvinnulífsins og haldið í samstarfi við Ferðamálasamtök Vestfjarða. Námið er ætlað starfsmönnum í ferðaþjónustu og þeim sem stefna að starfi í greininni. Námskeiðið hefst 2. maí og stendur til 10. maí. Kennt verður á Ísafirði virka daga kl. 9-12 og 13-16. Kennarar eru Sigurður Arnfjörð og gestakennarar. Verð kr. 10 þúsund (60 kennslustundir).

 

 

Færni í ferðaþjónustu II - hefst 11. maí

 

Sjálfstætt framhald af Færni í ferðaþjónustu I. Námskeiðið er 100 kennslustundir samkvæmt námskrá frá Fræðslumiðstöð atvinnulífsins og haldið í samstarfi við Ferðamálasamtök Vestfjarða. Námið er ætlað starfsmönnum í ferðaþjónustu og þeim sem stefna að starfi í greininni. Námskeiðið hefst 11. maí og stendur til 27. maí. Kennt verður á Ísafirði virka daga kl. 9-12 og 13-16. Ýmsir kennarar. Verð kr. 17 þúsund (100 kennslustundir).

 

Skráningar á námskeiðin eru hjá Fræðslumiðstöð Vestfjarða á vefnum http://www.frmst.is/ undir Námskeið, í síma 456 5025 eða í tölvupósti á frmst@frmst.is.