Fæst m.a. hjá Karli á Kambi.

Út er komið fyrir skömmu þriðja bindið í stórvirki Útgáfufélags Búnaðarsambands Vestfjarða um byggðir og fólk á Vestfjarðakjálkanum. Það nefnist Vestfjarðarit III, Fólkið, landið og sjórinn, Vestur-Barðastrandarsýsla 1901-2010. Ritstjóri er Birgir Þórisson frá Hvalskeri við Patreksfjörð. Hér er á ferðinni mikil fróðleiksnáma og gott uppsláttarrit fyrir alla sem hafa áhuga á liðnum tíma og fólki sem horfið er af heimi. Einnig nær ritið til nútíðar – stöðu sveita og þéttbýlis í Vestur-Barðastrandarsýslu.

Þetta bindi er tæplega 600 blaðsíður. Fyrir utan allan annan fróðleik, svo sem um atvinnuhætti, þéttbýli, kaupfélög, prestaköll, heilbrigðismál, skóla og samgöngur, er greint frá öllum sveitabæjum í sýslunni á þessum tíma og fólkinu sem þar bjó hverju sinni, foreldrum þess og afkomendum. Urmull ljósmynda er í ritinu.

Ritnefnd Útgáfufélags Búnaðarsambands Vestfjarða skipa Valdimar H. Gíslason á Mýrum í Dýrafirði, bóndi og sagnfræðingur (formaður), Bergur Torfason á Þingeyri (Bergur á Felli), Magnús Hringur Guðmundsson, Hóli í Önundarfirði, Guðmundur Grétar Guðmundsson, Kirkjubóli í Dýrafirði, og Birkir Friðbertsson, Birkihlíð í Súgandafirði.

Bindin tvö í þessari ritröð sem áður eru komin út fjalla bæði um Vestur-Ísafjarðarsýslu. Það fyrra er eftir Kjartan Ólafsson, fyrrum ritstjóra og alþingismann, og ber titilinn Vestfjarðarit I, Firðir og fólk 900-1900. Síðara bindið ber titilinn Vestfjarðarit II, Firðir og fólk 1900-1999. Það er uppbyggt á svipaðan hátt og þriðja bindið sem nú var greint frá og höfundar margir.

Karl Kristjánsson á Kambi í Reykhólasveit er með nýjasta bindið til sölu en fyrri bindin má panta hjá Birki Friðbertssyni í Birkihlíð. Þriðja bindið fæst á kynningarverði sem er aðeins kr. 9.000 en fyrri bindin tvö kosta kr. 3.000 hvort.

Eftirtaldir menn og verslanir (og fleiri) eru einnig með nýjasta bindið til sölu:

• Bókabúðin, Tálknafirði
• Vestfirska forlagið, Brekku í Dýrafirði
• Vestfirska verslunin, Ísafirði
• Fjarðarkaup, Hafnarfirði
• Verslunin Rangá, Skipasundi 56, Reykjavík
• Bókakaffi, Selfossi
• Rögnvaldur Bjarnason, Leturprenti, Dugguvogi 12, Reykjavík
• Birgir Þórisson, Þverbrekku 2, Kópavogi
• Ragnar Guðmundsson, Brjánslæk á Barðaströnd
• Búnaðarsamtök Vesturlands, Hvanneyri
• Valdimar H. Gíslason, Mýrum í Dýrafirði
• Guðmundur Gr. Guðmundsson. Kirkjubóli í Dýrafirði
• Magnús Hr. Guðmundsson, Hóli í Önundarfirði
• Bergur Torfason, Þingeyri