Skriðan mikla í Kjálkafirði í síðasta mánuði. Ljósm. Sveinn Ragnarsson.

Vestfjarðavegur nr. 60 verður lokaður í Kjálkafirði frá miðnætti aðfaranótt laugardagsins 18. maí um óákveðinn tíma vegna hættu á skriðuföllum, segir í tilkynningu á vef Vegagerðarinnar. Myndina sem hér fylgir tók Sveinn Ragnarsson á Svarfhóli þegar verið var að ryðja burt skriðunni miklu sem féll fyrir tæpum mánuði á þjóðveginn um Litlaneshraun í Kjálkafirði, vestast í Reykhólahreppi.

Áætlað var að um 150 þúsund rúmmetrar af jarðvegi hafi ruðst fram á veginn. Þarna var unnið að nýlagningu vegarins og var verið að snyrta neðan af skeringu þegar skriðan féll.