Vettvangsferð vegna rammaáætlunar um Dali og Reykh.
Verkefnisstjórn 4. áfanga rammaáætlunar um vernd og orkunýtingu landsvæða, ásamt fulltrúum faghópa, varði deginum í dag til vettvangsferðar um Dali og Reykhólahrepp.
Erindið var að kynna sér áform um virkjun vindorku, og fundir með fulltrúum þeirra aðila sem eru að vinna að undirbúningi byggingar vindmyllugarða í Sólheimum og á Hróðnýjarstöðum í Dölum og hér í Garpsdal. Einnig sátu fundina fulltrúar úr sveitarstjórnum hreppanna.
Í Nesheimum var kynningarfundur þar sem Ríkarður Ragnarsson verkefnisstjóri hjá EM Orku kynnti fyrirhugaðan vindmyllugarð á Garpsdalsfjalli, ásamt Marc McLoghlin frá EM Power á Írlandi. Kynningin var með líku sniði og á fundinum sem haldinn var með íbúum í haust.
Nokkur úr hópnum, sem rætt var við eftir fundinn voru á einu máli um að ferðin og kynningarnar hefðu verið fróðlegar og gagnlegar fyrir áframhaldandi vinnu við rammaáætlun.