Skrifstofur Reykhólahrepps við Maríutröð á Reykhólum.

Fjölmörg mál liggja fyrir hreppsnefnd Reykhólahrepps á fundi hennar sem hefst kl. 15 í dag, fimmtudag. Fyrir utan fundargerðir nokkurra nefnda sveitarfélagsins sem lagðar verða fram til samþykktar eru tólf mál til umræðu og afgreiðslu og átta erindi til kynningar, auk annarra mála sem fram kunna að koma. Meðal dagskrárliða er uppbygging atvinnu á Reykhólum og iðngarðar.

Fundir hreppsnefndar eru opnir, þ.e. fólki er að öllu jöfnu frjálst að koma og hlýða á það sem þar fer fram. Í undantekningartilvikum þegar trúnaðarmál eru til umræðu og afgreiðslu er fundi þó lokað á meðan.

Hreppsnefnd heldur fundi sína í húsakynnum Reykhólahrepps við Maríutröð á Reykhólum.

Dagskrá fundarins er að finna í reitnum Tilkynningar hér neðst til hægri á síðunni (pdf-skjal). Fundargerðir hreppsnefndar og undirnefnda hreppsins er að finna í reitnum Fundargerðir hér neðst til vinstri á síðunni. Síðustu mánuði eru þær á pdf-formi en eldri fundargerðir eru a.m.k. enn sem komið er á Word-formi.