Ljósm. OV.

Í vetur fékk Orkubú Vestfjarða (OV) Capacent til að vinna fyrir sig þjónustukönnun, fjórða árið í röð, þar sem könnuð voru viðhorf viðskiptavina til fyrirtækisins og þeirrar þjónustu sem það veitir. Markmiðið var að mæla breytingar frá fyrri könnunum. Helstu niðurstöður eru svipaðar milli ára, en þó sker sig úr, að viðhorf viðskiptavina til viðmóts og framkomu starfsmanna OV er mun betra en áður.

Könnunin fór fram 23. október til 9. nóvember.

„Það er Orkubúi Vestfjarða mikilvægt að þekkja viðhorf og væntingar viðskiptavina sinna og mun starfsfólk Orkubúsins nýta niðurstöður þjónustukönnunarinnar og leitast við að mæta væntingum viðskiptavina sinna enn betur,“ segir á vef fyrirtækisins.

Helstu niðurstöður og samanburð við fyrri kannanir er að finna hér.