Hildur Jakobína Gísladóttir, sem fyrir skömmu var ráðin í nýstofnaða stöðu félagsmálastjóra Stranda og Reykhólahrepps, verður framvegis með viðtalstíma á skrifstofu Reykhólahrepps við Maríutröð á Reykhólum á þriðjudögum kl. 10-15. Auk þess er hægt að hafa samband við hana í síma 451 3510 og jafnframt geta allir á svæði hennar líka komið á skrifstofu hennar í Þróunarsetrinu, Höfðagötu 3 á Hólmavík, 2. hæð. Þar er viðtalstími hennar mánudaga og miðvikudaga kl. 9.30-15 og fimmtudaga kl. 9.30-12.

 

Starfssvæði félagsmálastjórans nýja spannar Strandabyggð, Reykhólahrepp, Kaldrananeshrepp og Árneshrepp. Ef ekki næst í Hildi í síma á ofanrituðum tímum og mikið liggur við má reyna númerið 842 2511.

 

Sjá nánar um menntun og starfsferil Hildar:

13.01.2011  Félagsmálastjóri á Ströndum og í Reykhólahreppi