Hvenær, hvar, hvaða fólk?

Myndin sem hér fylgir birtist fyrir nokkrum dögum á Facebooksíðu Skógræktarfélags Íslands og jafnframt á síðu Ástu Þórarinsdóttur, tengdadóttur Jens heitins Guðmundssonar skólastjóra á Reykhólum. Nú skal spurt: Hvar og hvenær var þessi mynd tekin og hvert er fólkið sem er með Vigdísi forseta á myndinni?

Í gær voru á Reykhólum eins og um allt land gróðursettar þrjár trjáplöntur í virðingarskyni við Vigdísi Finnbogadóttur í tilefni þess að 35 ár eru liðin frá því að hún var kjörin forseti Íslands. Skógrækt er meðal margra hugðarefna Vigdísar. Það sýndi hún víða í verki þar sem hún fór á embættistíð sinni og gróðursetti þrjú tré á hverjum stað.

Hér inn á vefinn má fljótlega búast við myndum sem teknar voru við gróðursetninguna á Reykhólum í gærkvöldi. Og kannski einhverjum fróðleiksmolum til viðbótar.