Til stóð að vígja nýja veginn um Arnkötludal og Gautsdal síðdegis á morgun en vegna þess að þá er spáð vitlausu veðri hefur vígslunni verið frestað. Hún verður kl. 15 á miðvikudaginn í næstu viku, svo framarlega sem veðrið verður ekki eins slæmt og útlit er fyrir á morgun, eins og segir í tilkynningu frá Vegagerðinni. Athöfnin fer fram þar sem vegurinn liggur hæst.

Enda þótt formleg vígsla hafi ekki enn átt sér stað var vegurinn opnaður fyrir almennri umferð fyrir síðustu helgi.