Vilberg með dótturina sína litlu.

Vilberg Þráinsson á Hríshóli hlaut langflest atkvæði í kosningunum til sveitarstjórnar í Reykhólahreppi í dag. Næstur varð Karl Kristjánsson á Kambi en Sandra Rún Björnsdóttir á Reykhólum varð í þriðja sæti. Alls fengu 77 manns atkvæði í sæti aðalmanna í sveitarstjórn. Dreifing atkvæða var langtum meiri en við síðustu kosningar. Kjörsókn var 64,4% eða lítið eitt meiri en síðast. Niðurstöðurnar í heild urðu þessar:

Aðalmenn:

• Vilberg Þráinsson, 93 atkvæði
• Karl Kristjánsson, 63 atkvæði
• Sandra Rún Björnsdóttir, 41 atkvæði
• Áslaug B. Guttormsdóttir, 36 atkvæði
• Ágúst Már Gröndal, 32 atkvæði

Varamenn:

1. Jóhanna Ösp Einarsdóttir (39 atkv. í 1. sæti)
2. Eggert Ólafsson (46 atkv. í 2. sæti)
3. Rebekka Eiríksdóttir (31 atkv. í 3. sæti)
4. Guðrún Guðmundsdóttir (35 atkv. í 4. sæti)
5. Kolfinna Ýr Ingólfsdóttir (30 atkv. í 5. sæti)

Á kjörskrá voru 205. Alls kusu 132 eða 64,4%. Þar af voru 6 utankjörstaðaratkvæði. Auðir seðlar voru 2, einn seðill var ógildur og engin ágreiningsatkvæði.

Af þeim sem atkvæði greiddu voru 60 karlar og 72 konur.

Sjá síðast:

http://www.reykholar.is/frettir/Nyja_hreppsnefndin_i_Reykholahreppi/

Eins og fram hefur komið báðust allir sveitarstjórnarmenn Reykhólahrepps undan endurkjöri og einn að auki, sem rétt hafði til þess.