Bókasafnið á Reykhólum verður lokað yfir hátíðarnar. Síðasti dagurinn til að fá bækur fyrir jólin verður miðvikudagurinn í næstu viku, 18. desember, á milli kl. 15-16. Reynt verður að koma með einhverjar nýjar bækur inn fyrir jól. Safnið verður opnað á ný á þrettándanum, mánudaginn 6. janúar, og verður þá afgreiðslutíminn eins og verið hefur. Þá verður komið mikið af nýjum bókum.

Ef fólk hefur óskir um að ákveðnar bækur verði keyptar á safnið, sendið þá endilega skilaboð á info@reykholar eða komið ábendingum til Indu fyrir 18. desember.

Bókaverðirnir Harpa og Inda óska öllum gleðilegra jóla og vonast til að sjá sem flesta á bókasafninu (og annars staðar) á nýja árinu.