Ekki er ráð nema í tíma sé tekið! Nú þegar er búið að tímasetja hin árvissu og vinsælu jóla- og villibráðarhlaðborð í Hótel Bjarkalundi í Reykhólasveit þennan veturinn, en þau verða laugardagana 13. og 20. nóvember. Dagskrá á fagnaðinum, verð og matseðill verða auglýst þegar nær dregur. Meðal dýrategunda sem undanfarin ár hafa gefið hráefni í matinn eru hreindýr, selur, gæs, lundi og hrefna. Einnig hafa verið á borðum lambalæri og nautakjöt ásamt laxi og síld og mörgu öðru. Æskilegt er að borð séu pöntuð með góðum fyrirvara.