Vinir handan hafs - kynningarfundur á Reykhólum
Kynningarfundur undir heitinu Vinir handan hafs - Létt spjall um Vestur-Íslendinga verður haldinn á Reykhólum laugardaginn 3. maí. Atli Ásmundsson, fyrrum ræðismaður og áður m.a. kennari á Reykhólum segir sögur af starfinu vestra. Guðrún Ágústsdóttir blaðar í Vesturfaraskrá, athugar þar brottflutta úr Dalasýslu og Austur-Barðastrandarsýslu og spyr spurninganna Hverjir, hvert og hvernig? Síðan eru ábendingar og fyrirspurnir á dagskránni áður en Svavar Gestsson fyrrverandi sendiherra og aðalræðismaður Íslands í Winnipeg segir frá Þjóðræknisfélagi Íslendinga í Vesturheimi og starfsemi þess.
Fundurinn verður í borðsal Reykhólaskóla og hefst kl. 14. Fundarstjóri verður Karl Kristjánsson bóndi á Kambi í Reykhólasveit.
Kynning þessi er samvinnuverkefni Þjóðræknisfélagsins og utanríkisráðuneytisins.