Sveitarstjórn Reykhólahrepps beinir þeim eindregnu tilmælum til fólks að taka fyllsta tillit til þess að núna stendur varptíminn yfir. Ekki síst er fólk beðið að vera alls ekki með lausa hunda í varplandi. Reyndar er allur Reykhólahreppur eitt allsherjar varpland. Hvort sem litið er til lands eða eyja er héraðið fjölbreyttasta búsvæði fugla hérlendis og fuglalífið ein af helstu dásemdum þess.