Fjölskyldan í Mýrartungu í Reykhólasveit þakkar þeim sem mættu á „opið fjós“ á byggðarhátíðinni um helgina kærlega fyrir komuna. Allgóður hópur kom í heimsókn þegar saman er talið en í tölvuskeyti frá Mýrartungu segir að það hefði verið skemmtilegra að sjá fleiri börn. „En það verður bara vonandi næst.“ Meðfylgjandi myndir fylgdu skeytinu - að vísu voru líka kettir með hundinum á myndinni en þeir voru eitthvað þokukenndir og þess vegna klipptir burt.

 

Undir skrifuðu með bestu kveðjum þau Erla, Jens, Kristbjörg, Kári, Þóra, Ísabella og Elmar.