Allmargir starfsmenn Reykhólahrepps hafa ekki verkfallsrétt, skv. lögum um kjarasamninga opinberra starfsmanna. Skrá yfir þá sex starfsmenn og þau níu stöðugildi til viðbótar sem hér eiga í hlut tók gildi núna um mánaðamótin og hefur verið auglýst í Stjórnartíðindum.

Þeir starfsmenn Reykhólahrepps sem hafa ekki verkfallsrétt eru sveitarstjóri, launafulltrúi, slökkviliðsstjóri, hjúkrunarforstjóri Barmahlíðar, skólastjóri Reykhólaskóla og umsjónarmaður eigna. Auk þess er um að ræða 9 stöðugildi vegna ýmissa starfa í Barmahlíð.

Auglýsinguna í Stjórnartíðindum má jafnframt finna í valmyndinni hér vinstra megin undir Stjórnsýsla > Samþykktir og reglugerðir.