Silvía „okkar“ sigraði í aðventukransakeppni IKEA
Silvía Björk Birkisdóttir á Reykhólum sigraði með glans í aðventukransakeppni IKEA og Smartlands Mörtu Maríu á mbl.is. Kransinn hennar er búinn til úr fjórum glösum, kertum og jólakúlum á frumlegan hátt. „Það er skemmtilegt að hafa unnið keppnina alveg óundirbúin og gjörsamlega óvænt því ég ákvað á síðustu stundu að vera með“, segir hún í samtali við Reykhólavefinn. „Vegna skólans og prófanna í desember hef ég ekki verið dugleg undanfarin ár að útbúa aðventukrans en ég gat notið þess núna og fannst það frábært.“
„Ég var búin að útbúa hann og sá að allt hráefnið í mínum kransi var frá IKEA og ákvað að senda inn mynd“, segir Silvía Björk. Hvað fallegustu kransana varðar nefnir hún einfaldleikann. „Líka er ekki verra að kransarnir séu svolítið nútímalegir.“ Hún kveðst hafa gaman af öllu sem gert er í höndunum.
Í verðlaun fékk Silvía Björk 30 þúsund króna gjafakort frá IKEA. „Það verður úr mörgu flottu að velja“, segir hún.
Sjá einnig:
12.12.2011 Flottir lokkar: Fáir tímar lausir fyrir jól
24.06.2011 Flottir lokkar: Hárgreiðslustofa opnuð á Reykhólum
Eyvindur, laugardagur 17 desember kl: 09:05
Innilega til hamingju Silvía, alveg magnað.