Skipulagsstofnun staðfesti í fyrradag fyrir sitt leyti breytingu á aðalskipulagi varðandi nýtt vegstæði Vestfjarðavegar nr. 60 úr Vattarfirði vestur í Kjálkafjörð vestast í Reykhólahreppi, þrátt fyrir að hafa fyrir mánuði gefið mjög neikvæða umsögn um þá framkvæmd. Umsögn þessi hlaut sérlega slæmar viðtökur hjá sveitarstjórnum á sunnanverðum Vestfjörðum og fleirum. Um er að ræða að aflagður verði 24 km langur varasamur malarvegur en í staðinn komi 16 km malbiksvegur og 8 km stytting með fyllingum og brúm yfir Kjálkafjörð og Mjóafjörð inn af Kerlingarfirði.

Bréf Skipulagsstofnunar um þessa staðfestingu á breytingu á aðalskipulagi Reykhólahrepps verður lagt fram á fundi skipulagsnefndar Reykhólahrepps eftir helgi.

14.12.2011  Skipulagsstofnun bregst við gagnrýni

14.12.2011  Villigötur Skipulagsstofnunar

08.12.2011  „Enn á að tefja möguleikana á vegabótum“

07.12.2011  Vegagerðin ætlar samt að halda sínu striki

07.12.2011  Skipulagsstofnun þversum gegn nýjum vegi

Álit Skipulagsstofnunar, birt 5. desember 2011