Þann mæta mann Eystein G. Gíslason í Skáleyjum hef ég þekkt frá barnæsku. Hann er ótrúlega fjölhæfur og er einn af okkar bestu hagyrðingum og á vel skilið að bera heitið skáld. Hann sat um árabil í stjórn Samtaka selabænda og var þar, sem annars staðar, mikils metinn. Nú þegar elli kerling sækir hann heim, þá finnst mér vel við hæfi að reynt sé að halda til haga vísum hans og ljóðum, ásamt öðru efni sem hann stóð að.
...
Höfundur:
Játvarður Jökull Júlíusson á Miðjanesi í Reykhólasveit
Á Reykhólum höfnin er herleg, / þar hafskipa fjölsótt er þing. / Hver fleytan er blátt áfram ferleg / og fjörugt er lífið í kring.
Ég skal þeirra geta að góðu / og geta um hvert fyrir sig / með nafni, en númerin vantar, / og nú ber að hlusta á mig.
...
Menningin stóð í blóma í Reykhólahreppi á liðnu ári. Gallerí Gylfi í Króksfjarðarnesi var vettvangur auglýsingamyndar fyrir BMW Mini, þar sem hálf sveitin mætti í tökur í heila fimm daga. Fáeinum sást bregða fyrir í fáeinar sekúndur þegar auglýsingin loksins birtist – Sollu í leikfélaginu, hundinum Toppi sem er starfsmaður í Gallerí Gylfa, Jóni á Gróustöðum og Indu á Reykhólum. Partur í franska mynd var tekinn upp við Staðarbryggju og í landi Árbæjar. Svo vel hittist á, að suðvestan hávaðarok og rigning dundu á mannskapnum allan tímann sem tökur stóðu yfir. Hjólhýsi var tekið á leigu fyrir aðalleikarana og fauk ekki.
...
Umsjónarmaður þessa vefjar hefur komist yfir ljósrit af handskrifuðu blaði með vísum og skýringum eftir Eystein G. Gíslason (betur þekktur sem Eysteinn í Skáleyjum) með yfirskriftinni Myndlist og ljóðlist í stigagangi í Barmahlíð veturinn '05-'06. Ljósritið er á tveimur blöðum en á því fyrra stendur neðst snú þannig að upprunalega blaðið hefur verið eitt. Undirritunin er E.G.G. og staðfestir Jóhannes Geir bróðir Eysteins að þetta sé vissulega rithönd hans þó að hann tali þarna um sjálfan sig í þriðju persónu. Neðst á síðara blaðinu (bakhliðinni) undir aðgreiningarstriki er vísa sem tengist ekki efninu að öðru leyti en því, að þar er líka um mynd að ræða.
...
Eysteinn G. Gíslason (Eysteinn í Skáleyjum) er núna orðinn aldraður og hættur að yrkja. Hann fékk leikandi hagmælsku í vöggugjöf og bæði lausavísurnar hans og limrurnar flugu víða. Eysteinn var bóndi og ekki síst hlunnindabóndi í Skáleyjum á Breiðafirði en líka var hann kennari á Flateyri um árabil.
...
Vistaskipti Ásmundar Einars Daðasonar á Lambeyrum í Dalasýslu, þingmanns Norðvesturkjördæmis (og þar með Reykhólahrepps), úr Vinstri grænum yfir í Framsóknarflokkinn, hafa vakið ýmisleg viðbrögð. Ekki er samt hægt að segja að Ásmundur Einar hafi svikið lit því að græni liturinn ríkir eftir sem áður (eins og grasbónda sæmir). Jónas Kristjánsson fyrrv. ritstjóri sagði að með vistaskiptum þessum hefði greindarvísitalan í báðum flokkum hækkað. Jón Atli Játvarðarson á Reykhólum kvað (og líkir þingmanninum við hest en ekki óstýrilátan kött eins og Jóhanna Sigurðardóttir gerði á sínum tíma):
...
Jón Atli Játvarðarson á Reykhólum lá í nótt fyrir tófu og var að hugsa um Icesave-kosninguna á morgun. Líka varð honum hugsað til þangsins í Breiðafirði enda gamalreyndur þangskurðarmaður á þar til gerðum sláttupramma. Enga veiddi hann tófuna en kom heim með eftirfarandi hringhendu í staðinn:
...
Fortíðin höktir nú hlaupa- með sting,
hana við tekin er glíma.
Veltu steini á stjórnlagaþing
staðgenglar horfinna tíma.
Þá er enn eitt þorrablótsárið liðið. Síðasta blót heppnaðist mjög vel, miðað við allan bílafjöldann sem var hérna á planinu morguninn eftir.
Árið hefur verið viðburðaríkt og gjöfult. Síðasti vetur var með eindæmum mildur og það svo, að jólatrén stóðu fram í apríl og hefðu getað staðið lengur, ef Jón snari hefði ekki ráðist á þau í einu dugnaðarkastinu.
Ekki hefur þorrablótsárið þó verið gjöfult að öllu leyti. Ekkert barn hefur fæðst í hreppnum. Hvað er að ykkur? Er það kreppan eða vantar egg í þorramatinn?
Um eins metra löng eðla fannst í garði á Selfossi um Jónsmessuna 2010. Lögreglan kom á staðinn og handsamaði eðluna. Hún var vistuð á lögreglustöðinni til næsta dags en síðan svæfð. Varðstjóri hjá lögreglunni sagðist hafa aldrei á ævi sinni hafa séð svona stóra eðlu og útkallið sé með þeim óvenjulegustu sem lögreglan í Árnessýslu hefur sinnt. Þegar sýndar voru í Sjónvarpi myndir af eðlunni hjá lögreglunni sást sýslumanninum Ólafi Helga Kjartanssyni bregða fyrir í bakgrunni.
...
