Reykhólaskóli óskar eftir stuðningsfulltrúa í 75-100% starf frá kl. 8:00 alla daga. Allar nánari upplýsingar veitir Valgeir skólastjóri í síma 4347731
Sjá nánar í laus störf hér til vinstri.
Mikið hefur verið um að vera á Sauðfjársetrinu á Ströndum í sumar, margvíslegar uppákomur og viðburðir. Framundan er svo stærsta samkoma ársins, Íslandsmeistaramótið í hrútadómum, sem verður haldið sunnudaginn 19. ágúst og hefst kl. 14:00 í Sævangi við Steingrímsfjörð.
...
Frá og með 18. ágúst verður sundlaugin opin sem hér segir:
virka daga 15 - 21
laugar- og sunnudaga 14 - 20
Guðrún J. Guðmundsdóttir, augnlæknir, verður með móttöku á heilsugæslustöðinni á Reykhólum fimmtudaginn 16. ágúst og í Búðardal föstudaginn 17. ágúst nk.
Tímapantanir eru í síma 432 1450
Ólafsdalshátíðin var að venju með miklum glæsibrag. Að þessu sinni var ofarlega á baugi uppgröfturinn á fornum skálarústum sem hafinn var í sumar, þar sem var afhjúpaður skáli með bogadregnum langveggjum, íveruhús frá 9. - 10. öld.
Meðfylgjandi eru nokkrar myndir, en ekki af öllum atriðum sem þarna voru á dagskrá.
Í dag, 10. ágúst var síðasti vinnudagur Ingibjargar Birnu Erlingsdóttur í starfi sveitarstjóra Reykhólahrepps. Af því tilefni færði sveitarstjórn henni formlegar þakkir og blómvönd, fyrir hennar góðu störf undanfarin 8 ár.
Ingibjörg hefur sinnt starfi sínu af hógværð og vandvirkni en jafnframt festu, og skilar góðu búi til þess sem tekur við.
Inga Birna er samt ekkert á förum úr sveitinni, svo við eigum áfram góða sveitunga og granna, þar sem hennar fjölskylda er.
Á meðfylgjandi mynd eru Árný Huld Haraldsdóttir varaoddviti, Karl Kristjánsson sveitarstjórnarmaður, Ingibjörg Birna Erlingsdóttir fráfarandi sveitarstjóri og Ingimar Ingimarsson oddviti.
Umsjónarmaður vefjarins þakkar Ingu Birnu frábært samstarf.
17 sóttu um stöðu sveitastjóra í Reykhólahreppi. Capacent vinnur núna mat á umsækjendum og verða viðtöl í næstu viku. Stefnt er að því að klára ráðningu sveitastjóra eins fljótt og unnt er.
Umsækjendur eru eftirfarandi:
Berglind Ólafsdóttir Ráðgjafi
Björn S. Lárusson Verkefnastjóri
Bragi Þór Thoroddsen Lögfræðingur
Glúmur Baldvinsson M.Sc. Alþjóðasamskipti
Guðbrandur J. Stefánsson Íþróttakennari
Hallur Guðmundsson Verkefnastjóri
Ingimundur Einar Grétarsson Stjórnsýslufræðingur
Ingunn Einarsdóttir Fjármálastjóri
Jón Gunnar Erlingsson Matreiðslumeistari
Linda Björk Hávarðardóttir Verkefnastjóri
Maria Maack Verkefnastjóri
Miguel Martins Viðskiptafræðingur
Sigurður Jónsson Lögfræðingur
Sveinbjörn Freyr Arnaldsson Framkvæmdastjóri
Tryggvi Harðarson Verktaki
Þorbjörg Gísladóttir Mannauðsstjóri
Þórður Valdimarsson Viðskiptafræðingur
Hátíðarmessa verður í Flateyjarkirkju laugardaginn 11.ágúst kl.14.00.
Messukaffi á hótelinuí boði sóknarnefndar að lokinni messu.
Sumarmessa verður í Skálmarnesmúlakirkju laugardaginn 18.ágúst kl.11.
Á eftir koma allir með eitthvað á borðið í messukaffi og við eigum góða og gefandi stund saman.
Sr.Hildur Björk Hörpudóttir þjónar og Ingimar Ingimarsson organisti og kór Reykhólaprestakalls leiða tónlist.
Reglulegum sveitarstjórnarfundi er frestað um viku, hann verður haldinn fimmtudaginn 16. ágúst.
Fjarskiptafélag Reykhólahrepps tilkynnir að ljósleiðari á svæði 1 er að verða tilbúinn til notkunar.
Svæði 1 eru fasteignir í dreifbýli, frá fjarskiptahúsi Mílu við Miðhús að Árbæ og að Þörungaverksmiðjunni í Karlsey.
Nú geta eigendur þessara húseigna og fyrirtækja sótt um að tengjast ljósleiðaranum skv. skilmálum og gjaldskrá sem birt hefur verið á vefnum. Beiðni skal senda með tölvupósti á netfangið skrifstofa@reykholar.is.
Mánaðargjald (línugjald) er 2.900 kr. á mánuði auk vsk., fjarskiptafélög greiða 3.500 auk vsk.
Eftir að beiðni berst verður tenging gerð virk og þá er hægt að sækja um tengingu hjá því símafyrirtæki sem fólk velur að eiga viðskipti við.
Fyrstu tengingarnar urðu virkar í dag, um er að ræða skrifstofu sveitarfélagsins, Barmahlíð og Reykhólaskóla.
