„Ég fagna því að ráðherra sé tilbúinn að endurskoða stuðninginn við ferjusiglingarnar. Það er fólkinu á sunnanverðum Vestfjörðum sem myndi bregða sérstaklega ef þær legðust af. Það fer ekki framhjá okkur mikil óánægja fólks á Vestfjörðum með að áframhaldandi siglingar Baldurs hafi ekki verið tryggðar þangað til samgöngubætur verða komnar í gagnið," segir Pétur Ágústsson framkvæmdastjóri Sæferða í Stykkishólmi í samtali við Skessuhorn. Sæferðir hafa ákveðið að fækka ferðum Baldurs í sumar. Ferðum verður fækkað úr tveimur í eina fyrstu tíu dagana í júní og síðustu tíu dagana í ágúst....
Meira

Það var mikið um að vera í Flatey á Breiðafirði í fyrradag þegar Breiðafjarðarferjan Baldur kom með um 45.000 lítra vatnsgeymi í eyjuna. Óhætt er að segja að koma hans marki tímamót fyrir eyjarskeggja, sem hafa oft þurft að búa við vatnsskort yfir heitasta tímann. Baldur hafði einnig meðferðis kranabíl, sem kom tankinum á sinn stað nálægt höfninni. Verkið gekk mjög vel, að sögn Heimis Sigurðssonar, stjórnarformanns Vatnsveitu Flateyjar. Hún er hluti Framfarafélags Flateyjar, sem er félagsskapur húseigenda í eynni....
Meira

„Samstarfið hefur verið alveg frábært og það hefur allt gengið mjög vel. Ég hef ekkert undan þeim að kvarta," segir Árni Sigurpálsson, hótelstjóri í Bjarkalundi. Undanfarnar vikur hefur Dagvaktin sölsað undir sig staðinn fyrir sjálfstætt framhald af hinni ofurvinsælu Næturvakt og Árni sér til þess að engan skorti eitt eða neitt, hvorki mat né drykk. „Það er nú bara hinn almenni heimilismatur sem er borinn á borð á hverjum degi og borgarbörnin hafa síður en svo fúlsað við honum. Þau eru ekkert að biðja um pylsu og kók", segir Árni sem er daglega með um þrjátíu manns í mat....
Meira

Bátasafn Breiðafjarðar á Reykhólum hefur á síðustu árum eignast á þriðja tug gamalla báta úr Breiðafjarðareyjum og héruðum í kring og bjargað flestum þeirra frá eyðileggingu. Sumir eru varðveittir í misjöfnu ásigkomulagi eftir tímans tönn, gert er við aðra og enn aðrir eru endurbyggðir. Þetta starf er í fullum gangi og þess vegna er safnið lifandi vinnustofa ekki síður en sýningarstaður. Driffjöðrin er breiðfirski skipasmiðurinn Aðalsteinn Valdimarsson, rétt orðinn sjötugur, sem er þar við vinnu sína flesta daga....
Meira

Þessa dagana er í dreifingu ferðaþjónustublað fyrir Strandir og Reykhólasveit, sem Arnkatla 2008 og Markaðsstofa Vestfjarða gefa út. Blaðið er tólf síður í tímaritsbroti og hefur að geyma upplýsingar um ferðaþjónustu og skoðunarverða staði í þessum héruðum. Það er prentað í 20 þúsund eintökum og verður dreift á upplýsingamiðstöðvar um allt land. Einnig mun það liggja frammi á viðkomustöðum ferðamanna á svæðinu....
Meira

Stjórn Framfarafélags Flateyjar, hagsmunasamtaka húseigenda í Flatey á Breiðafirði, mótmælir fyrirhugaðri fækkun á ferðum ferjunnar Baldurs. Stjórnin skorar á samgönguyfirvöld að endurskoða niðurskurð á framlögum Vegagerðarinnar til ferjusiglinganna þannig að ekki komi til þess að ferðum fækki í sumar og á næstu árum.

...
Meira

Búvélasafnið á Grund í Reykhólasveit hlaut 400.000 króna styrk frá Menningarráði Vestfjarða við fyrri úthlutun 2008. Matur og menning á suðursvæði Vestfjarða hlaut kr. 250.000 og myndlistarverkefnið Hólar og Dalir (Björn Samúelsson) kr. 150.000. Styrkirnir voru afhentir á Hólmavík í gær, sumardaginn fyrsta. Samtals voru veittir styrkir til 47 verkefna að þessu sinni, samtals að upphæð 17,6 milljónir króna, en 110 umsóknir bárust. Hæsta styrkinn fékk kvikmyndafyrirtækið Í einni sæng til verkefnisins Eitur í æðum, eina og hálfa milljón króna....
Meira

Reykhólahreppur óskar íbúum sínum og landsmönnum öllum gleðilegs sumars með þökk fyrir veturinn. Í gær (sumardaginn fyrsta) var Barmahlíðardagurinn haldinn hátíðlegur eins og undanfarin mörg ár með skemmtilegri dagskrá og veislum.

Myndir segja meira en mörg orð og fylgir hér með slóð inn á myndasyrpu sem tekin var í gær.
      

Nýr vefur Reykhólahrepps er „kominn í loftið“ á sumardaginn fyrsta. Gamli vefurinn sem hafði þjónað vel og lengi var barn síns tíma og eltist fremur illa. Sennilega eru hvergi stórstígari breytingar þessi árin en í netheimum. Nýja vefnum er ætlað að duga um nokkra framtíð enda verður auðvelt að prjóna við hann eftir því sem nýjungar í vefjagerð líta dagsins ljós. Hér verður gerð nokkur grein fyrir hinum nýja Reykhólavef, verkefnum hans og væntingum....
Meira

Krabbameinsfélag Íslands á íbúðir á Rauðarárstíg í Reykjavík og hafa aðildarfélög þess aðgang að því með einhverjum fyrirvara. Jafnframt mun Krabbameinsfélag Breiðfirðinga greiða að hluta eða öllu leyti fyrir leiguna. Einnig eru í boði hvíldarvikur á ýmsum stöðum fyrir sjúklinga og aðstandendur, samkvæmt nánari auglýsingu frá Krabbameinsfélagi Íslands eða á vef félagsins....
Meira