Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til þess að fara eftir ráðleggingum Embættis landlæknis um hreyfingu hvort sem er í frítíma, vinnu, skóla eða við val á ferðamáta. Í ráðleggingunum segir að börn og unglingar þurfi að hreyfa sig minnst 60 mínútur daglega og fullorðnir þurfi að stunda miðlungserfiða hreyfingu í minnst 30 mínútur daglega.

Miðapantanir hjá Erlu Björk, s. 892 7897 og Styrmi Gísla. s. 845 6464. Líka er hægt að panta í gegnum netfangið thorrablot380@gmail.com 

Miðaverð er kr. 7.000.-

í forsölu í anddyri íþróttahússins fimmtud. 19. jan. kl. 18 - 20.

Við innganginn er miðaverð kr. 7.500.-

Á ballið eingöngu kr. 4.000.-

Sjá meðfylgjandi auglýsingu.

Röst

Baldur

« 1 af 2 »

Vegagerðin skoðar það núna að kaupa norsku ferjuna Röst, til siglinga á Breiðafirði í stað ferjunnar Baldurs.

Síðastliðið haust auglýsti Vegagerðin eftir skipi til leigu til fimm mánaða til siglinga á Breiðafirði en einungis barst eitt tilboð. Það hljóðaði upp á ríflega 300 milljónir íslenskra króna sem er nær 50% hærra en gert var ráð fyrir í kostnaðaráætlun. Tilboðinu var því hafnað.

Á fundi fjárlaganefndar um miðjan desember kom fram að verði ferja leigð eða keypt til að fylla í skarð Baldurs sé það ferjan Röst, það sé eina ferjan sem í boði er.

Röst var smíðuð í Noregi árið 1991 og er 66 metrar á lengd og 13,4 metrar á breidd. Ferjan tekur 2.036 brúttótonn, 235 farþega og 42 bíla í hverri ferð. Röst hefur það fram yfir Baldur, auk þess að vera 12 árum yngri, að hún er með 2 aðalvélar en Baldur bara eina.

Til samanburðar er Baldur 68,3 m á lengd, 11,6 m á breidd og er 1.677 brúttótonn. Hann var smíðaður árið 1979. Baldur tekur 280 farþega og 49 bíla í ferð.

Jæja.. eftir margra ára tilraunir þá reynum við enn og aftur!!

Þorrablót Reykhólahrepps árið 2023 verður haldið þann 21 janúar í íþróttahúsinu á Reykhólum. 

Sama verð, matur og hljómsveit og í fyrra.

Miðapantanir:
845-6464 (Styrmir Gísla) eða 892-7897 (Erla)

Samningur um styrk vegna verkefna á sviði almenningssamgangna á Ströndum og Reykhólum var undirritaður 8. nóvember sl. Samningurinn kemur í stað tveggja annarra samninga sem snerust annars vegar um aksturssþjónustu og hins vegar um samnýtingu skólabíla fyrir almenning.

Byggðastofnun, fyrir hönd samgöngu- og sveitarstjórnarráðherra, og Reykhólahreppur gerðu með sér samning um styrk vegna almenningssamgangna á Ströndum og Reykhólum sem gildir út árið 2023. Samningurinn kemur í stað samninga Byggðastofnunar og Vestfjarðastofu frá nóvember 2020 um verkefnin Pöntunarakstur Strandir og Reykhólar 2020–2023 og verkefnið Sambíllinn.

Fjallað er um þetta í grein á strandir.is

Einar Indriðason frá Hólmavík verður í slökkvistöðinni á Reykhólum, miðvikud. 4. janúar til að yfirfara slökkvitæki, milli kl. 9 og 18.

Fólk getur komið þangað með slökkvitæki sín, og er eindregið hvatt til þess.

Meðfylgjandi er verðlisti frá Einari.

Sveitarstjórn Reykhólahrepps hefur birt yfirlit um störf og verkefni liðins árs og áramótakveðju.

Þar segir meðal annars:

Síðastliðið ár hjá Reykhólahreppi hefur bæði verið skemmtilegt og á sama tíma mikið af krefjandi verkefnum. Ný sveitarstjórn var kosin til starfa í sveitarfélaginu og hefur tekið til starfa. Sveitarstjórnina skipa Árný Huld Haraldsdóttir (oddviti), Jóhanna Ösp Einarsdóttir (varaoddviti), Hrefna Jónsdóttir, Margrét Dögg Sigurbjörnsdóttir og Vilberg Þráinsson.

Sveitarstjóri Reykhólahrepps er Ingibjörg Birna Erlingsdóttir og hefur sinnt starfi sínu sem sveitarstjóri af heilindum og metnaði, því er mikið happ að hafa svo hæfa manneskju við störf fyrir sveitarfélagið.

Áskorun hefur verið fyrir sveitarfélagið að mæta húsnæðisþörf í sveitarfélaginu. Sveitarstjórn hefur unnið að því að leita leiða til að mæta þessari þörf. Því fagnar sveitarstjórn því að úthlutað hefur verið byggingalóð að Hellisbraut 58-64.

Yfirlitið í heild er hér.

Áramótabrennan á Reykhólum verður á endurvinnslusvæðinu á gamlárskvöld.
Kveikt verður upp í brennunni kl. 21:00.

Þetta er auglýst með fyrirvara um að veðrið verði hagstætt.

Allir klæði sig vel og muni eftir góða skapinu!

« 1 af 2 »

Jólaball Kvenfélagsins Kötlu verður haldið föstudaginn 30. desember kl 15,

í íþróttahúsi Reykhólaskóla.  

Allir velkomnir.